На меѓународниот параглајдерски натпревар во прецизно слетување “Албанија опен 2007“ (09-12.05) кој се одржа во Валона македонските параглајдеристи постигнаа голем успех победувајќи во поединечна и екипна конкуренција. Кристијан Темелкоски (Делта-Прилеп) го освои првото место со 154 негативни поени. Второто место го освои Илија Влканов од Бугарија (167) додека третото место му припадна на Славко Сеница од Словенија (170). Значајни постигнувања имаа и македонските пилоти Киро Гиноски (Делта клуб -Прилеп) и Милан Јованоски (Делта- Прилеп) со освојување на 4-тото односно 5-ото место. Македонската репрезентација (К. Темелковски, К. Гиноски, М. Јованоски и С. Спасоски) победи со убедлива предност (2669) пред Бугарија (4266) и Србија (7117).
На овој натпревар кој по пети пат успешно го организираше Националниот аеро клуб на Албанија учествуваа 68 пилоти од од 9 земји.    

 

 Од 26. до 27.мај 2007.год. во Штип на спортскиот аеродром “Сушево“ се одржа 48-осмото Државно првенство во ракетно моделарство, според Правилникот на ФАИ, а во организација на Аероклубот “Штип“ од Штип и Воздухопловната Федерација на Македонија во категории С4А, С6А (јуниори и сениори), С9А (сениори) и С7.

 Во категорија С4А првопласиран кај сениорите е Блаже Коцов од АК“Витачево“-Кавадарци, втор е Николче Јаневски од РВК“Циолковски“-Прилеп и како трет Станислав Најдовски од истиот клуб, додека екипно прв е РВК“Циолковски“ од Прилеп со 741 бод, Втор АК“Витачево“ од Кавадарци со 659 бода и како трет АК“Штип“ од Штип со 317 бода.
Кај јуниорите првопласиран е Александар Исаков од АК“Витачево“-Кавадарци, Драган Спасов од АК“Штип“-Штип го зазеде второто место и како трет Панов Борче од истиот АК.

Првопласиран во категоријата С6А за сениори е Лазар Малинов од АК“Штип“-Штип, второто место го зазеде Георги Георгиевски од АК“Штип“-Штип и трет беше Николче Јаневски од РВК“Циалковски“-Прилеп, а во екипна конкуренција првопласиран е АК“Штип“-Штип со 646 бода, втор РВК“Циалковски“-Прилеп со 638 бода и третопласиран е АК“Витачево“ од Кавадарци.
Во категоријата С9А на прво место се пласира Николче Јаневски од РВК“Циалковски“-Прилеп, втор беше Георги Георгиевски од АК“Штип“-Штип и како трет Лазар Малинов од истиот АК.

И во категоријата С7 првопласиран е Лазар Малинов, втор Драган Спасов и трет Илија Спасов сите со прототипови “Nike Apache“.
На отворениот меѓународен дел од превенството настапија натпреварувачи од Русија, Србија, Бугарија и Романија.

 

Од 5. до 6. maj 2007.год. Аероклубот “Штип“-Штип со директорот на натпреварот Јован Северов го организираа Првиот лига натпревар во параглајдерство, дисциплина прецизно слетување (“Куп Штип 2007“). Поради неповолните метео услови појдовните позиции не беа од Богословец, туку од терените кај селото Чардаклија.

Во поединечна конкуренција првото место го зазеде Миле Јованоски од ПК “Делта“-Прилеп со 83 бода, на второто место се пласира Кристијан Темелкоски од Клубот “Цунами“ со 124 бода и третопласиран беше Киро Гиноски од КЛЛ“Делта клуб“-Прилеп со 368 бода.
Во екипна конкуренција на пвото место се пласира КЛЛ“Делта клуб“ од Прилеп со 3289 бода, второпласирен е Клубот“Цунами“ со 4322 бода и на третото место се најде ПК“Делта“ од Прилеп со 5760 бода.

Во организација на Параглајдерскиот клуб “Вертиго“ со директорот на натпреварот Сашо Смилевски од Скопје од 28. до 30. април 2007.год се одржа Првиот лига натпревар во параглајдерство, дисциплина прелетети од терените на  Водно. По одржаните три трки со 1801 бод првото место го освои Владимир Неделковски од Параглајдерскиот клуб “Екстрема“-Скопје, на второто место се пласира Игор Тодевски од Клубот за воздухопловни спортови “Хели ХЦ“-Скопје со 1749 бода и како трет заврши Мартин Јовановски од истиот Клуб со 1408 бода.

Резултати од Првиот параглајдерски светски куп во Крушево

На Првиот параглајдерски светски куп (PWC) “Крушево 2007“ дисциплина прецизно слетување, во организација на КЛЛ“Делта клуб“ од Прилеп и ВФМ, а под покровителство на Агенцијата за млади и спорт, од 31 март до 1 април во Крушево, во поединечна конкуренција првото место го освои Свољсак Антон од Клубот“Quatro seniori“ од Словенија, второпласиран беше Мартин Јованоски од “Sky Vidra“-Македонија и како трет Клокосовиќ Симеон од CUK“Dravograd“-Словенија.
Во екипна конкуренција првопласиран е CUK“Dravograd“ од Словенија со 325 бода, второпласирен е ПК“Перник“ од Бугарија со 865 бода и како трет Клубот “Skay Vidra“ од Македонија.
Голем придонес во успешната организација на Светскиот куп кој за прв пат се организира во Македонија дадоа членовите на КЛЛ“Делта клуб“ од Прилеп на чело со Златко Спиркоски и Киро Гиноски.

 

Резултати од 10. Светско параглајдерско првенство во Манила, Австралија

На 10. ФАИ Светско параглајдерско првенство во дисциплина крос кантри што се одржа во Манила, Австралија од 24 февруари до 9 март, во поединечна конкуренција Горан Димишковски го освои 57-то место, а Владимир Неделковски 121-то место во конкуренција од 149 летачи.

Во екипна конкуренција македонската репрезентација се пласира на 32-то место, од 39 репрезентации кои настапија на ова Светско првенство. www.manilla2007.com

Прием на македонската парглајдерска репрезентација во Агенцијата за млади и спорт

На 3 март годинава Ивица Георгиевски, директорот на Агенцијата за млади и спорт ја прими параглајдерската репрезентација, која учествуваше на 4. Светско параглаjдерско првенство во дисцплина „прецизно слетување“. На репрезентативецот Мартин Јовановски, кој го освои бронзениот медел, а воедно и прв медал во летачки дисциплини на Светски првенства, му беше доделена награда во вредност од 50 илјади денари од страна на директорот Георгиевски.

Медал за Македонија на 4.-тото Светско параглајдерско  првенство во Тракаи, Литванија

Оваа е прв медал што Македонија го има освоено на светските првенства во параглајдерство. На фотографијата: Мартин Јованоски, првиот парагладинг репрезентативец кој се вратил со медал од Светско првенство

На Светското параглајдерско првенство во дисциплина прецизно слетување што се одржа во Тракаи, Литванија македонскио репрезентативец Мартин Јованоски го освои бронзенио медал, а нашата репрезентација се пласира на петото место во конкуренција на 14 нации. Во генералниот пласман Златко Спиркоски го зазеде осмото место, Кристијан Темелкоски петнаесетото, а Киро Гиноски триесет и првото место. Во женска конкуренција Адријана Јолеска се пласира на осмото место.

Македонска Параглајдерска Репрезентација на 4. Светско параглајдерско првенство - дисциплина прецизно слетување во Тракаи, Литванија

Македонската параглајдерска репрезентација во состав Златко Спиркоски, Киро Гиновски, Кристијан Темелкоски и Адријана Јолеска, сите од Клубот за лесни летала “Делта клуб“- Прилеп и Мартин Јованоски од Параглајдинг клубот “Делта“ - Прилеп, отпатуваа на 4. Светско Параглајдерско првенство во дисциплина прецизно слетуваење кое се одржува во Тракаи - Литванија од 9 до 18 февруари  2007.година.

 

 

 

На шампионатот учествуваат седумдесет  параглајдеристи од 14 земји. Специфика на оваа светско првенство е што натпреварувачите во воздух се дигаат со помош на витло, а не со залет од повисока падина.

На светската ранг листа (ВРС) што ја води Светската Воздухопловна Федерација (ФАИ) за 2006 година, за дисциплина прецизно слетување, од 21 држава Македонија е рангирана на трето место зад првопласираната Словенија и второпласираната Англија.

 

Од 100 пилоти од целиот свет кои котират на ВРС листата, младиот Мартин Јованоски (17 години) е рангиран како десети.
Со оглед на квалитетот на нашата Репрезентација очекувањата се дека нашите репрезентативци овој пат ќе се закитат со една од медалите. www.pagaukvcja.lt

 

 

На 16.02.2007.година македонскиот репрезентативец, параглајдеристот Менде Вељановски за прв пат во Австралија скокна со параглглајдер од моторизиран змеј, а потоа и од балон на топол воздух, со што стана забележан во австралиската воздухопловна историја како прв параглајдерист кој ги има изведено ваквите скокови. Повеќе за потфатот на Вељановски на www.poliglide.com